گنج‌لر اوچون دعالار
سن اِئی مهریبان ربّیم! اینقیطاع اُفوقون‌دن
سن اِئی مهریبان رب ّ یم! اینقیطاع اُفوقون‌دن سن اِئله روح‌لار ظاهر اِئتمی‌سن کی، اُون‌لار نورساچان بیر آی تک اورک و کؤنول دونیاسی‌نی ایشیق‌لان‌دیریب نورآ بویادی‌لار، اُؤزلری‌نی بوتون‌لوک‌له وارلیق دونیاسی‌نین نشانه‌لری‌نین‌دن آزاد اِئدیب، اؤلوم‌سوزلوک سلطنتی‌نه تلس‌دی‌لر. اُؤز عینایت دنیزی‌نین شبنم‌لری ایله سن هر آن اُون‌لارین کؤنول گولشنی‌نه بیر طراوت عطا اِئت‌دین، تا او واقتآدک کی، اُون‌لار میثل‌سیز لطافت و گؤزل‌لیک الده اِئت‌دی‌لر. اُؤز خوش عطیرلری‌نی بوتون دونیانین اوزری‌نه سَپ‌مک‌له، یئر اوزونونون بوتون دیارلاری‌نین عَنبر ساچماسی‌نا سبب اُولاراق، سنین ایلاهی بیرلیی‌نین رایحه‌لری هر یانا یای‌یلدی
اِئی پاک‌لیق روح‌و، ایندی اِئله شخص‌لر یئتیر کی، او مقدّس وارلیق‌لار کیمی، آزاد و پاک اُولسون‌لار، یارادیل‌یش عالمی‌نی یئنی گئی‌یم و اعجازکار لیباس ایله بزه‌سین‌لر، سن‌دن باشقا هئچ کسی آختارماسین‌لار، سنین راضی‌لیق یولون‌دان باشقا بیر یولآ گئتمه‌سین‌لر، سنین امری‌نین سّرین‌دن باشقا بیر شئی دانش‌ماسین‌لار
سن اِئی مهریبان الله! ایذن وئر، بو گنج، اُو پاک اؤلیالارین جان آتدی‌غی ان یوکسک آرزولارا چات‌سین. اُؤز گوج‌لن دیری‌جی فضل ین‌له اُونا اینقیطاع و ایلاهی یاردیم قانادلاری عطا اِئیله کی، اُون‌لارلا او، سنین رحمانیّت فضان‌دا پرواز اِئت‌سین، سنین سماوی نعمت‌لرین‌دن دادسین، ایلاهی هدایت نشانه‌سی و سماء ساکن‌لری‌نین نمونه‌سی اُولسون. سن قوّت‌لی‌سن، قودرت‌لی‌سن، گؤرن و اِئشیدن‌سن
منبع: سایت دعای زیبای ترکی
دعا مخصوص جوانان
افزودن دیدگاه جدید