سحر دعالاری
اِئی منیم الله‌یم و منیم
اِئی منیم الله‌یم و منیم مؤولام! من سنین بنده‌نم و بنده‌نین اوغلویام. من بو صوبح‌چاغی یاتاغیم‌دان قالخ‌میشام، او زامان کی، سنین تک‌لیک شفق‌ین سنین ایراده‌نین گونشین‌دن پارلادی و سنین حؤکم کیتاب‌لارین‌دا امر اِئت‌دی‌ین کیمی، اُؤز ایشیغی‌نی بوتون دونیایا سال‌دی
تعریف‌لر اُولسون سنه، اِئی منیم الله‌یم، بیز سنین عیرفان نورونون پاریلتی‌سی‌نا اویان‌میشیق. ایندی بیزه، ایلاهی، اُونو نازیل اِئیله کی، بیزی سن‌دن باشقا هئچ کسه مؤحتاج قویماسین، سن‌دن ساوایی بوتون شئی‌لره باغلی‌لیق‌دان آزاد اِئت‌سین. سونرا منه، منیم عزیز‌لری‌مه، ایستر کیشی، ایسترسه قادین، قوهوم‌لاریما بو دونیانین و او دونیانین خئیر-برکت‌لری‌نی یاز. سونرا دا، اُؤز بؤیوک حماین‌له بیزی اینسان‌لارین سینه‌‌لری‌نه وسو‌سه سالان شیطان تحریک‌چی‌دن قورو، سن اِئی بوتون وارلیغین محبوبو و کاِئنات‌ین مقصودو. سن ایسته‌دی‌ینی اِئت‌مه‌یه قادیرسن. سن، حقیقتاً، قودرت‌لی، عظمت‌لی و قیّوم‌سان
موبارک اِئیله، اِئی ربّیم، منیم الله‌یم، او کسی کی، اُونا ان اوجا و عآلی آدلاری‌نی وئردین، او کس کی، اُونون واسطه‌سی‌له مؤمنی گوناه‌کاردان آی‌یردین. سنین به‌ین‌دی‌ین و راضی قالدیق‌لاری‌نی اِئت‌مک‌ده بیزه لوطفون‌له کؤمک اِئیله. بون‌دان باشقا، سنین کلمه‌ن و حرف‌لرین اُولان کس‌لری موبارک اِئیله، اِئی منیم الله‌یم، و او کس‌لری موبارک اِئیله کی، اوز‌لری‌نی سنه توت‌دولار، نظر‌لری‌نی سنین اوزونه دیکدی‌لر و سنین چاغیریشی‌نا قولاق آسدی‌لار
سن، حقیقتاً، بوتون اینسان‌لارین ربّی و سلطانی‌سان و هر شئی‌ین اوزرین‌ده حاکم‌سن
منبع: سایت دعای زیبای ترکی
افزودن دیدگاه جدید